Əfqanıstanda zəlzələ zamanı yaralanan əfqan qadınlar kömək olunmadıqları üçün dağıntılar altında qalıblar.Buna səbəb isə Əfqanıstanda kişiləri tanımadıqları,yad qadınlara əl vurmalarının qadağan olunmasıdır.
Oxu24.com xəbər verir ki, bu barədə The New York Times məlumat yayıb.
Məlumata görə, kişi xilasedicilər zəlzələdən sonra dağılmış binaların dağıntıları altından yalnız kişiləri çıxarıblar.
Qadınlar başqa qadınların onlara kömək etməsini gözləmək məcburiyyətində qalıblar.
Bəzi hallarda isə qadınların dərilərinə toxunmamaq üçün paltarlarından dartıb çıxarırdılar. Bundan başqa, kişi həkimlər də yaralı qadınlara kömək etməkdən imtina ediblər.
Bildirilir ki, əfqan qadınları qohum olmayan qadınlarla kişilər arasında əlaqə qadağan olunduğu üçün köməksiz qalıblar.
Xatırladaq ki, sentyabrın 1-nə keçən gecə Əfqanıstanın şimal-şərqində dağıdıcı zəlzələ baş verib. Rəsmilərin məlumatına görə, 2,2 mindən çox insan ölüb, 4 minə yaxın insan isə yaralanıb.
Qeyd edək ki,Əfqanıstanda hakimiyyətdə Talibandır.Onlar terror təşkilatı kimi tanınır.
Miri
